Суд 17 ноябрдан буён кўриб чиқилган иш якунида футболчининг даъвосини қисман қаноатлантирди. Мбаппе шартномани узайтиришдан бош тортгач, клуб томонидан босим ва камситиш бўлганини таъкидлаб, 263 млн евро товон пули талаб қилган эди.
“ПСЖ” эса футболчини “Ал-Ҳилол”га ўтишни рад этгани сабаб “фойдали битимни бузганликда” айблаб, 240 млн евро талаб қилган.
Суд “ПСЖ”нинг барча даъволарини рад этди. Мбаппе 2023/24 мавсум бошида янги шартномага рози бўлмагани учун асосий таркибдан четлатилгани ва трансферга қўйилган футболчилар билан алоҳида машғулот ўтказишга мажбур бўлгани ҳақида шикоят қилган эди.
Ушбу ҳолат юзасидан ўтган йили Франция футболчилар касаба уюшмаси ҳам судга мурожаат қилган.
