Давлат хавфсизлик хизмати Бухоро вилояти бошқармаси ходимлари “Бухоро–Қоракўл” йўналишида ҳаракатланаётган “Jentra” русумли автомашинани Жондор тумани ҳудудида тўхтатиб, текширган.
Натижада автомашина салонида соф вазни 4 кг 715 г бўлган “опий” моддаси аниқланиб, процессуал тартибда расмийлаштирилди.
Маълум бўлишича, ушбу модда Афғонистондан контрабанда йўли билан олиб келинган ва Бухоро шаҳар ҳудудида яширин жойда сақланган.
Ҳозирда фуқаро ва хорижий давлат фуқаросига нисбатан ЖКнинг 28,246-моддаси 2-қисми (контрабанда) ва 25,273-моддаси 5-қисми (гиёҳвандлик воситаларини ноқонуний айланмаси) билан жиноий иш қўзғатилган, эҳтиёт чораси сифатида қамоқ қўлланилган.
Қонунчиликка кўра, бундай жиноят учун жавобгар шахслар 10 йилдан 20 йилгача озодликдан маҳрум қилиниши мумкин.
