Маълумотларга кўра, 2025 йилнинг 11 ойи давомида Хитой Россиядан 1,9 миллиард долларлик олтин импорт қилган. Январь–сентябрь ойларида эса бу кўрсаткич фақат 9 миллион долларни ташкил қилган. 2024 йилнинг октябрь–ноябр ойларида Россия Хитойга олтин экспорт қилмаган.
Таҳлилчилар бу ўсишни Пекиннинг доллардаги захиралардан босқичма-босқич воз кечиш сиёсати билан изоҳламоқда. Франция экспертлари Хитой 2025 йилда жами 250 тоннагача олтин сотиб олган бўлиши мумкинлигини, бу расмий эълон қилинган рақамлардан анча юқори эканини қайд этмоқда.
Шу билан бирга, турли нашрлар Хитойнинг расмий эълонлари ҳақида турлича фикр билдирмоқда ва Financial Times таҳлилчилари Хитой Халқ банкининг маълумотларига шубҳа билан қараётганини ёзган.
