Бугун, 22 декабрь куни футбол бўйича Туркия Суперлигасининг 17-туридан ўрин олган "Истанбул Башакшеҳир" ва "Газиантеп" жамоалари ўзаро баҳс олиб боришди.
Ўзбекистон миллий терма жамоаси аъзолари Аббосбек Файзуллаев ва Элдор Шомуродов "Истанбул Башакшеҳир"нинг асосий таркибида майдонда тушди.
Учрашувнинг 21-дақиқасида Элдор Шомуроодов рақиб жамоа дарвозасини ишғол қилди ва 68-дақиқада голли узатма амалга оширди. Аббосбек Файзуллаев ҳам 29-дақиқада ўз номини таблога ёздириб қўйди. Шундай қилиб Шомуродов ва Файзуллаев жамоаси ўз уйида "Газиантеп"ни йирик 5:1 ҳисобида мағлубиятга учратди.
