“Almaty.tv” хабарига кўра, суд айбланувчига энг оғир жазо — умрбод қамоқ тайинлади. Шунингдек, у марҳуманинг оиласига 50 миллион тенге миқдорида маънавий зарар учун компенсация тўлаши белгиланди. Суд жараёнида айбланувчи айбини тўлиқ тан олмаган бўлса-да, тақдим этилган далиллар етарли ва ишончли деб топилган.
Туркистон вилояти ихтисослаштирилган туманлараро жиноят ишлари суди раиси Дауреэн Мадалиэвнинг маълум қилишича, ҳукм билан айбланувчи педагогик лавозимларда ишлаш ҳамда вояга етмаганлар билан фаолият юритиш ҳуқуқидан ҳам маҳрум этилган.
Жиноят жорий йил 6 июнь куни содир бўлган. 38 ёшли Ўзбекистон фуқароси Қозоғистон Жиноят кодексининг бир нечта моддалари билан айбдор деб топилиб, жазони максимал хавфсизликдаги муассасада ўтайди.
