2025 йил 28 декабрь куни соат 21:15 лар атрофида Андижон вилояти Олтинкўл туманининг “Далварзин” МФЙ ҳудудида Lacetti русумли автомобиль йўл четидаги дарахтга урилди.
1970 йилда туғилган ҳайдовчи Ж.С. руль бошқарувини йўқотгани, тўқнашувдан сўнг эса электр симларидаги қисқа туташув сабаб автомобиль ёниб кетгани маълум қилинди.
Ёнғин туман ФВБ ходимлари томонидан тўлиқ бартараф этилган. Ҳодиса оқибатида фуқаролар жабрланмаган, бироқ транспорт воситаси тўлиқ ёниб кетган. Ҳолат юзасидан Олтинкўл туман ФВБ томонидан суриштирув ишлари олиб борилмоқда.
ИИБ ЖХХ ЙҲХБ ҳайдовчилардан йўлга чиқишдан аввал автомобилнинг техник созлигини текширишни сўради.
