Унда эълон қилинган маълумотларга кўра, 2023-2025 йилларда:
- камбағаллик даражаси 11 фоиздан → 6,8 фоизга
- ишсизлик 6,8 фоиздан → 4,9 фоизга тушган.
- ялпи ички махсулот хажми 103 млрд долларан → 145 млрд долларга етган.
Сўнгги икки йилда давлат раҳбарининг 650 дан зиёд фармон ва қарори қабул қилинган, 500 дан зиёд турли йиғилиш, учрашув ва тақдимотларда барча соҳалар бўйича янги вазифалар қўйилган. Аммо,
Президент Шавкат Мирзиёевнинг Олий Мажлисга ва кўп миллатли халқимизга Мурожаатномасида:
“Эришилган улкан натижалар, янги устувор вазифалар “Ўзбекистон – 2030” стратегиясини қайта кўриб чиқишни тақозо этмоқда.
Юртимизнинг келгуси беш йиллик тараққиётига дахлдор бўлган ушбу ҳужжат кенг жамоатчилик муҳокамасидан ўтказилиб, аҳолимизнинг фикр-мулоҳазалари асосида такомиллаштирилади.
Парламент вакилларини ҳам бу жараёнда ўз таклифлари билан фаол иштирок этишга чақираман”, – деган эди.
Шунингдек, матбуот анжуманида аҳоли сони 2023 йилда 36,7 млн ташкил қилган бўлса, → ушбу кўрсаткич 2030 йилга келиб 41
млн ошиши прогноз қилинганлиги, урбанизация жараёнлари, бандлик ва даромадлар масалалари янги стратегик ёндашувларни тақозо этаётгани таъкидланди. 2026-2030 йилларга мўлжалланган
"Ўзбекистон - 2030" стратегияси 451 та максадли кўрсаткич
Бунда:
→ 132 та кўрсаткич янги таҳрирда ва янги мезонлар асосида белгиланмоқда
→ 191 та янги кўрсаткич билан тўлдирилмоқда
→ 129 та кўрсаткич ўзгаришсиз қолдирилмоқда
→ 184 та кўрсаткич чиқариб ташланмоқда эканлиги маълум қилинди.
Энди "Тараққиёт стратегияси" маркази томонидан давлат ташкилотлари ва ҳокимликлар ҳар йилга белгиланган стратегиядаги мақсадларга эришиш кўрсаткичлари баҳоланиб боради.
ЯНГИ ТАРТИБНИ БАҲОЛАШ МЕЗОНЛАРИ
Рақамли платформада Стратегия мақсадларининг самарадорлик кўрсаткичларига эришилиши ҳолати
"яшил", "сариқ" ва "қизил" тоифаларга ажратилади:
"ЯШИЛ" - белгиланган самарадорлик
кўрсаткичига ўз вақтида ва тўлиқ, эришилган
"САРИҚ" - белгиланган самарадорлик
кўрсаткичига эришилишида кечикишлар
мавжуд, бироқ уларни бартараф этиш имкони бор
"ҚИЗИЛ" - самарадорлик кўрсаткичига
эришилишида жиддий кечикишлар мавжуд ёки уларга умуман эришилмаган.
Darakchi.uz мухбири “Тараққиёт стратегияси” маркази ижрочи директоридан: "Агар масъул ташкилот қизил рангдаги баҳоланишни кўрсатса, бошқа рейтинглар каби шунчаки эълон қилинади холосми ёки масъул ташкилотга ёки ташкилотнинг масъул мансабдорига нисбатан жавобгарлик борми? Улар назорат қилувчи ташкилотлар ва халқ олдида қандай жавобгарликка тортилади?" саволи билан юзланди.
Элдор Туляковнинг сўзларига кўра, "Нега амалга ошира олинмаганлигининг сабаблари ўрганилади. Амалга ошириш бўйича амалий ёрдамлар ёки усуллар бўйича махсус таклиф ва маслаҳатлар берилади. "Яшил" кўрсаткичли етакчи ташкилотлар тажрибалари ўргатилади. Агар булардан ҳам бирор натижа чиқмаса, керакли жойларга хат билан мурожаат қилиб ташкилотнинг раҳбарига нисбатан ишдан олиш ҳақида сўралади. Бу сўнгги чора бўлади.”
