Ҳуқуқ-тартибот идоралари томонидан ўтказилган тезкор тадбирлар давомида гумонланувчилар Telegram’да махсус канал-бот ташкил этиб, шу орқали гиёҳвандлик воситаларини сотиб келгани маълум бўлди.
Текширув жараёнида уларнинг яшаш хонадонидан ашёвий далил сифатида 7,9 грамм “марихуана” ҳамда 22,79 грамм “мефедрон” синтетик гиёҳвандлик воситалари олиб қўйилди.
Мазкур ҳолат юзасидан Жиноят кодексининг 25, 273-моддалари билан жиноят иши қўзғатилиб, ҳозирда тергов ҳаракатлари олиб борилмоқда. Жиноят иши тегишлилиги бўйича тергов органларига юборилган.
