Мамлакатнинг энг йирик нефтни қайта ишлаш компанияси — Индиан Оил Cорп илк бор Колумбиядан нефт харид қилди.
Реутерс манбасига кўра, Индиан Оил Cорп 2026-йил феврал ойида етказиб бериш шарти билан Cастилла маркали 2 миллион баррел нефт сотиб олган. Шунингдек, компания яна 12 миллион баррел “қора олтин” харид қилиш имкониятини ҳам кўриб чиқмоқда. Бу қарор Россияга нисбатан санкциялар фонида таъминот манбаларини кенгайтириш мақсадида қабул қилинган.
Кплер таҳлил маркази маълумотларига кўра, 2025-йил декабр ойида Ҳиндистоннинг Россиядан нефт импорти сўнгги уч йилдаги энг паст даражага тушиб, кунига 1,2 миллион баррелни ташкил этган. Ноябр ойида эса бу кўрсаткич 1,84 миллион баррел бўлган.
АҚШ санкциялари Россиянинг энергетика соҳасига босимни кучайтирар экан, Ҳиндистон компаниялари муқобил бозорларни излашга мажбур бўлмоқда. Хусусан, Релианcе Индустриес Россиядан нефт импортини вақтинча тўхтатган бўлса-да, кейинчалик “қора рўйхат”га кирмаган етказиб берувчилар орқали таъминотни қисман тиклаган. Қатор манбаларга кўра, 2026-йил бошидан етказиб бериш ҳажми яна ошиши мумкин.
