"Ногиронлиги бўлган шахсларнинг ҳуқуқлари тўғрисида"ги Қонун билан ногиронлиги бўлган шахсларнинг ҳуқуқларини таъминлаш, уларни ижтимоий ҳимоя қилиш ҳамда реабилитация қилиш соҳасида маҳаллий давлат ҳокимияти органларининг ваколатлари аниқ белгилаб берилди.
Бу орқали ушбу йўналишда қарор қабул қилиш, ижро ва назорат функциялари маҳаллий даражада тизимли равишда йўлга қўйилмоқда.
Хусусан, халқ депутатлари маҳаллий Кенгашларига:
- ногиронлиги бўлган шахсларни реабилитация қилиш;
- уларнинг бандлигини таъминлашга қаратилган ҳудудий дастурларни тасдиқлаш ваколати юклатилди.
Шунингдек, Кенгашлар томонидан ногиронлиги бўлган шахсларни ишга жойлаштириш учун иш ўринларининг энг кам сони белгиланиши назарда тутилмоқда.
Мазкур ваколатларнинг маҳаллий вакиллик органларига ўтказилиши ҳудудларда ногиронлиги бўлган шахсларни қўллаб-қувватлашга доир чора-тадбирларни аҳолининг реал эҳтиёжларидан келиб чиққан ҳолда режалаштириш имконини беради.
Натижада ушбу тоифадаги фуқароларнинг меҳнат бозорида иштирок этиши учун ҳуқуқий ва ташкилий шарт-шароитлар яратилади, ижтимоий ҳимоя тизимида манзиллилик ва самарадорлик ошади.
