Қўшма баёнотда айтилишича, сўнгги ойлар давомида Аспиналл ва шифокорлар унинг соғайиши устида иш олиб борган. “Иккала кўзи ҳам операция қилинди ва биз унинг кўриш қобилиятини жангга тайёр даражага қайтариш йўлидаги сафаримизни давом эттирмоқдамиз”, дейилади хабарда.
Эслатиб ўтамиз, 2025 йил 25 октябрь куни Абу-Дабида бўлиб ўтган UFC 321 турнирида Аспиналл ва Сирил Ган ўртасидаги чемпионлик жанги биринчи раундда тўхтатилган эди.
Ганнинг зарбасидан сўнг Аспиналлнинг иккала кўзи ҳам жароҳат олган, шундан кейин ҳакам тиббий сабабларга кўра жангни бекор қилган ва у расмий равишда ўтказилмаган деб топилган.
