Маълум қилинишича, Андижон вилоятининг Асака туманида яшовчи, 2005 йилда туғилган шахс “шартли харидор”га 200 дона 100 минг сўмлик ва 125 дона 200 минг сўмлик купюрадан иборат жами 45 млн сўм қалбаки пулни 18 млн сўмга сотган вақтида ушланган. Шунингдек, унинг ёнидан қўшимча равишда 5 млн сўм миқдоридаги қалбаки 100 минг сўмлик купюралар ҳам топилган.
Текширув давомида гумонланувчининг яшаш хонадонидан ноутбук, рангли принтер, бўёқлар ва қоғозлар ашёвий далил сифатида олинган.
Қайд этилишича, ушбу фуқаро муқаддам ҳам худди шундай жиноят учун судланган.
Ҳолат юзасидан унга нисбатан Жиноят кодексининг 176-моддаси 2-қисми “а” банди билан жиноят иши қўзғатилиб, “қамоқ” эҳтиёт чораси қўлланилган. Тергов ҳаракатлари давом этмоқда.
