Тошкентнинг Юнусобод туманида жойлашган уйларнинг бирида ёнғин содир бўлди. Ҳодиса оқибатида уйнинг том қисми ва ички ҳудуди ёниб зарарланган, жабрланганлар йўқ.
Фавқулодда вазиятлар хизматига кўра, ҳодиса 17 февраль куни соат 15:47 да Ниёзбек кўчасидаги уйлардан бирида юз бергани ҳақида хабар келиб тушган. Қутқарув экипажлари воқеа жойига 7 дақиқа ичида етиб бориб, ёнғинни соат 15:59 да қуршаб олган ва 16:02 да тўлиқ ўчирган.
Дастлабки маълумотларга кўра, ёнғин натижасида уйнинг тахминан 70 квадрат метр майдони зарар кўрган. Ҳозирда ёнғиннинг келиб чиқиш сабаблари ва етказилган моддий зарар миқдори аниқланмоқда.
