Маълум қилинишича, 2 март куни тушдан кейин Капикой назорат-ўтказиш пункти орқали одамлар оқими кескин ошган. Эрталаб эса Анқара учта чегара дарвозасида бир кунлик саёҳатчилар ҳаракатини вақтинча тўхтатиб, фақат Туркия ва учинчи давлат фуқароларига киришга рухсат берган.
Қазвин атрофидан келган йўловчилардан бири ҳарбий ҳудудлардаги доимий зарбалар кундалик ҳаётга таъсир қилаётганини билдирган. Унинг айтишича, озиқ-овқат танқислиги кузатилмаяпти, бироқ асосий муаммо — ёқилғи топиш. Чегарада енгил қор ёғаётган пайтда одамлар чемоданлари билан Истанбул йўналишидаги микроавтобусларга йўл олган.
Туркия Савдо вазири Омер Болат Эрон фуқароларининг Туркия орқали мамлакатга киришига рухсат берилаётганини, учта дарвоза орқали тижорий юк ташувлари эса назорат остида давом этаётганини маълум қилган. Унинг таъкидлашича, чегара ва савдо оқимларининг узлуксиз ишлаши учун барча хизматлар юқори тайёргарлик ҳолатига келтирилган.
