Бу ҳақда Президентнинг “Маданият, санъат ва адабиёт соҳалари ходимларидан бир гуруҳини мукофотлаш тўғрисида”ги фармонида белгиланди.
Маълум қилинишича, Муниса Ризаева “Ўзбекконцерт” давлат муассасаси хонандаси сифатида, Отабек Муҳаммадзоҳид эса Ўзбекистон давлат филармониясининг Фарғона вилояти бўлинмаси хонандаси сифатида мазкур унвонга сазовор бўлган.
Муниса Ризаева 1986 йил Тошкент шаҳрида туғилган. У “Айрилма, ёр”, “Кўзларим яна”, “Аҳа-оҳо”, “Секин-аста” каби қўшиқлари билан кенг оммага танилган. Шунингдек, бир қатор фильмларда ҳам роль ижро этган.
Отабек Муҳаммадзоҳид 1974 йил Фарғона вилоятида таваллуд топган. У “Мени унутма”, “Беш кунлик дунё”, “Малла соч” каби тароналари билан мухлислар меҳрини қозонган.
