Бироқ кейинчалик ҳаво ҳарорати кескин кўтарилиши мумкин.
Синоптиклар прогнозига кўра, июнь ойининг дастлабки кунларида айрим ҳудудларда қисқа муддатли ёмғир ва момақалдироқ кузатилади. Ҳаво ҳарорати кундузи 30-35 даража атрофида бўлади.
Ойнинг иккинчи ярмидан бошлаб эса ҳарорат 34-39 даражагача кўтарилиши, шимолий, жанубий ва чўл ҳудудларда айрим кунлари 40-42 даражага етиши мумкин.
“Ўзгидромет” қайд этишича, бу йил ёз экстремал иссиқ бўлиши эҳтимоли ҳам мавжуд. Бунга Тинч океанида кузатилаётган Эл-Нино ҳодисасининг илк белгилари сабаб бўлиши мумкин.
Дастлабки баҳолашларга кўра, жорий йилда ёзнинг ўртача ҳарорати меъёрдан бироз юқори бўлади. Энг иссиқ кунларда ҳаво ҳарорати 42-44 даражагача, жанубий ва чўл ҳудудларда эса 45-47 даражагача кўтарилиши мумкин.
Маълумот учун, Ўзбекистонда июнь ойида кузатилган энг юқори ҳарорат 1914 йилда Термиз шаҳрида қайд этилган бўлиб, у 49,6 даражани ташкил қилган.
