Одамлар орасида “Сатурн” номи билан танилган ўзбекистонлик поп-ММА жангчиси Оғабек Абдумўминов ижтимоий тармоқда тарқалган видео сабаб жаримага тортилди. Бу ҳақда Тошкент шаҳар ИИББ Йўл ҳаракати хавфсизлиги бошқармаси ахборот хизмати маълум қилди.
Маълум қилинишича, жангчининг транспорт воситасини хавфсизлик камарисиз бошқаргани акс этган видео ижтимоий тармоқларда кенг муҳокамаларга сабаб бўлган.
Ҳолат юзасидан Йўл ҳаракати хавфсизлиги бошқармаси қидирув бўлими томонидан жангчи чақиртирилиб, унга нисбатан тегишли маъмурий баённома расмийлаштирилган.
“Автотранспорт воситасини хавфсизлик камарисиз бошқарганман. Видео ижтимоий тармоқларда тарқалгандан сўнг кенг муҳокамаларга сабаб бўлди. Бундай ҳолат такрорланмайди”, деди Оғабек Абдумўминов.






