2026 йилнинг январь–апрель ойларида Ўзбекистонда кўрсатилган транспорт хизматлари ҳажми 66,9 триллион сўмни ташкил қилди. Бу ҳақда Миллий статистика қўмитаси маълум қилди.
Қайд этилишича, ҳисобот даврида транспорт хизматлари таркибида энг катта улуш автомобиль транспорти ҳиссасига тўғри келган. Ушбу йўналиш жами хизматлар ҳажмининг 52,2 фоизини ташкил этган.
Шунингдек, ҳаво транспорти улуши 14,3 фоиз, ёрдамчи транспорт фаолияти 13,9 фоиз, қувур транспорти 10,1 фоиз ва темир йўл транспорти 9,5 фоизни ташкил қилган.
Мутахассислар қайд этишича, мамлакатда ички ва ташқи логистика, йўловчи ҳамда юк ташиш хизматларига бўлган талабнинг ўсиши транспорт соҳаси ривожланишида муҳим омил бўлиб қолмоқда.
