АҚШ терма жамоаси Австралияни 2:0 ҳисобида мағлуб этиб, муддатидан олдин плей-офф масаласини ҳал қилди.
Марокаш эса Шотландияни 1:0 ҳисобида енгди. Исмоил Сайбари учрашувнинг 71-сониясида гол уриб, мундиалдаги энг тезкор голлардан бирига муаллифлик қилди.
Бразилия ҳам ўзига келди — Матеус Кунья дубли ва Винисиус Жуниорнинг голи эвазига Гаитини 3:0 ҳисобида мағлуб этди.
Куннинг энг катта сенсацияси эса Туркия терма жамоаси билан боғлиқ бўлди. Парагвай учрашувнинг илк дақиқаларидаёқ ҳисобни очди ва бир киши кам бўлиб ўйнаганига қарамай, 1:0 ҳисобини сақлаб қолди.
Шу тариқа Гаити мундиални тарк этган илк жамоага айланди. Туркия эса сўнгги тур олдидан барча имкониятларини йўқотди.
Мундиал қизғин тус олмоқда. Кейинги босқичдан қайси жамоа четда қолади?
