Жаҳон чемпионати гуруҳ босқичининг навбатдаги учрашувида Колумбия минимал ҳисобда ғалаба қозонди. Мазкур натижа Ўзбекистон миллий жамоасининг кейинги босқичга чиқиш бўйича назарий имкониятларини сақлаб қолди.
Шу тариқа, ўзбекистонлик мухлислар учун ҳал қилувчи баҳс сўнгги турга қолмоқда. Энди миллий жамоа гуруҳдаги охирги учрашувда Конгони мағлуб этиши талаб этилади. Кейинги масала эса бошқа ўйинлар натижаларига боғлиқ бўлади.
Эътиборли жиҳати, икки тур якунларига кўра, бешта жамоа мундиал билан расман хайрлашди. Улар қаторида Гаити, Туркия, Тунис, Иордания ва Панама бор. Ўзбекистон эса ҳозирча ушбу рўйхатдан ўрин олмаган ва плей-офф учун курашни давом эттирмоқда.
Шундай экан, миллий жамоанинг тақдири сўнгги турда ҳал бўлади.
