Нукуслик 11 ёшли Жаҳонгир Содиқов Ўзбекистон ва Португалия терма жамоалари ўртасидаги жаҳон чемпионати баҳси олдидан расмий ўйин тўпини майдонга олиб чиқди.
Учрашув 23 июнь куни АҚШнинг Хьюстон шаҳрида бўлиб ўтди. Ўйин бошланишидан олдин Жаҳонгир FIFAнинг расмий ўйин тўпи билан майдонга чиқиш шарафига муяссар бўлди.
Қайд этилишича, у мазкур имкониятни Kia ва FIFA World Cup 2026 ҳамкорлигида ташкил этилган болалар танловида ғолиб чиққанидан сўнг қўлга киритган.
Ўзбекистон миллий терма жамоасининг жаҳон чемпионатидаги илк иштироки доирасида бўлиб ўтган мазкур баҳс нафақат футболчилар, балки ёш мухлислар учун ҳам унутилмас воқеага айланди.
