Бугун, 16 июль куни Тошкент шаҳрининг Шайхонтоҳур туманида жойлашган хусусий хонадонда ёнғин содир бўлди. Бу ҳақда Фавқулодда вазиятлар вазирлиги хабар берди.
Маълум қилинишича, соат 10:05 да Шайхонтоҳур тумани Садриддин Айний кўчасида жойлашган хусусий хонадонда ёнғин чиққанлиги тўғрисида хабар келиб тушган.
Шундан сўнг қутқарув экипажлари соат 10:10 да воқеа жойига етиб борган. Ёнғин соат 10:23 да қуршаб олиниб, соат 10:28 да тўлиқ бартараф этилган.
Қайд этилишича, ҳодиса оқибатида жабрланганлар йўқ.
Ҳозирда ёнғиннинг келиб чиқиш сабаби ҳамда етказилган моддий зарар миқдори аниқланмоқда.
