АҚШ Венесуэла нефти савдоси устидан назоратни қўлга олганидан сўнг мамлакат нефти экспортидан тахминан 13 миллиард доллар йиғган. Бироқ ушбу маблағларнинг қаерга сарфлангани ҳақида жуда кам маълумот берилмоқда.
Вашингтон дастлаб маблағларни Венесуэла манфаатлари йўлида ишончли бошқарувда сақлашини билдирган. Бироқ шундан сўнг АҚШ расмийлари маблағларнинг тақдири юзасидан турлича баёнотлар берган.
АҚШ Президенти Дональд Трамп Америка Венесуэла нефтидан "катта пул ишлаётгани"ни айтган бўлса, АҚШ Давлат департаменти миллиардлаб доллар миқдоридаги маблағ қатъий назорат остида Венесуэлага қайтарилганини билдирмоқда.
Очиқ маълумотларга кўра, ҳозиргача расман фақат 300 миллион доллар ҳақида маълумот берилган.
Иқтисодчиларнинг таъкидлашича, Венесуэла иқтисодиётининг кутилганидан секинроқ тикланаётгани нефть тушумларининг катта қисми мамлакатга етиб бормаган бўлиши мумкинлигини кўрсатмоқда.
Айни пайтда АҚШ томонидан йиғилган 13 миллиард долларлик нефть тушумларининг тақдирига оид аниқ ва тўлиқ маълумотлар очиқланмаган.
