Ўзбекистон соғлиқни сақлаш тизими сифати бўйича халқаро рейтингда 101 та давлат орасида 49-ўринни эгаллади. Мамлакат Марказий Осиё давлатлари орасида энг юқори натижани қайд этди.
"Health Care Index 2026 Mid-Year" рейтингида Ўзбекистон 64,4 балл билан Топ-50 таликдан жой олган.
Марказий Осиё давлатлари орасида Қозоғистон 60,7 балл билан 61-ўринни эгаллаган. Ўзбекистон МДҲ давлатлари орасида ҳам юқори натижа қайд этган. Россия 60-ўриндан, Қозоғистон ва Арманистон эса 62-ўриндан жой олган.
Қирғизистон, Туркманистон, Тожикистон ва Афғонистон рейтингга киритилмаган.
Рейтингда соғлиқни сақлаш тизими бўйича энг юқори натижани Тайвань қайд этган — 87,1 балл. Кейинги ўринларни Жанубий Корея — 83 балл, Япония — 79,9 балл, Эквадор — 78,2 балл ва Нидерландия — 77,6 балл билан эгаллаган.
АҚШ 41-ўринда, Хитой 30-ўринда, Германия 25-ўринда, Буюк Британия эса 19-ўринда қайд этилган.
"Health Care Index" рейтинги тиббий хизматлар сифати, шифокорлар малакаси, тиббиёт муассасаларининг жиҳозланганлик даражаси, хизматлар нархи ва аҳоли учун қулайлик каби мезонлар асосида шакллантирилади.
