Ижтимоий тармоқларда Ўзбекистон Республикаси Энергетика вазири Жўрабек Мирзамаҳмудов лавозимидан озод этилди, деган хабар тарқалмоқда. Бироқ Жўрабек Мирзамаҳмудовнинг лавозимдан озод этилишига оид расмий маълумот ҳозирча эълон қилинмаган.
Жўрабек Мирзамаҳмудов 1979 йилда Наманган вилоятида туғилган. У 2001 йилда АҚШдаги Алабама университетини, 2005 йилда эса Тошкент кимё-технология институтини тамомлаган.
У 2018 йилдан 2019 йилгача Вазирлар Маҳкамаси ҳузуридаги “Ўзатом” агентлиги бош директори, 2019–2022 йилларда Энергетика вазирининг биринчи ўринбосари — “Ўзатом” агентлиги бош директори лавозимларида фаолият юритган.
Жўрабек Мирзамаҳмудов 2022 йил сентябрь ойидан буён Ўзбекистон Республикаси Энергетика вазири лавозимида ишлаб келаётган эди.
