Андижон вилояти Марҳамат туманида ер савдоси билан боғлиқ фирибгарлик ҳолати фош этилди. Бу ҳақда Ички ишлар вазирлиги матбуот хизмати хабар берди.
Маълум бўлишича, 1988 йилда туғилган шахс бошқа фуқаролар билан олдиндан тил бириктириб, давлат захирасидаги 24 сотих ер майдонини гўёки уй-жой тоифасига ўтказилганини айтиб, уни 39 минг долларга сотишга уринган.
Тезкор тадбир вақтида гумонланувчи келишилган пулнинг 25 минг долларини олаётган пайтда ашёвий далиллар билан қўлга олинган.
Ҳолат юзасидан Жиноят кодексининг 168-моддаси 4-қисми “а” банди (жуда кўп миқдорда фирибгарлик) билан жиноят иши қўзғатилиб, тергов ҳаракатлари олиб борилмоқда.
