Ўзбекистон миллий терма жамоаси ҳимоячиси Абдуқодир Ҳусанов Англия Премьер-лигасининг янги мавсумидаги илк учрашувни асосий таркибда бошлади. У “Манчестер Сити”нинг “Борнмут”га қарши баҳсида марказий ҳимоячи сифатида майдонга тушиб, учрашувни тўлиқ ўтказди.
“Этиҳад” стадионида кечган баҳсда “Манчестер Сити” 2:1 ҳисобида ғалаба қозонди. Меҳмонлар 26-дақиқада ҳисобни очган бўлса, манчестерликлар учрашувнинг сўнгги дақиқаларида иккита гол уриб, камбэк қайд этди.
Ҳусанов баҳс давомида ишончли ҳаракат қилиб, 90 та узатманинг 87 тасини аниқ амалга оширди. Унинг аниқ паслар бўйича кўрсаткичи 97 фоизни ташкил этди. Шунингдек, ўзбекистонлик футболчи учрашув давомида 97 марта тўпга тегди.
“Flashscore” Ҳусановнинг ўйинини 8,2 баллга баҳолади. Бу “Манчестер Сити” таркибидаги энг юқори кўрсаткичлардан бири бўлди.
Учрашувда “Сити” сафида Марк Гехи 8,5 балл билан энг юқори баҳони олган. Жамоа янги бош мураббий Энцо Мареска қўл остида Премьер-лигадаги мавсумни ғалаба билан бошлади.
