АҚШда 36 ёшли Мадлин Вероника Дейли 11 ойлик ўғли Базил Стоунерни ўлдирганликда айбини тан олди. Прокуратура маълумотларига кўра, аёл боланинг отасига васийлик берилганидан норози бўлиб, фарзандини бошқа штатга олиб кетган ва кейин уни отиб ўлдирган. Бу ҳақда хорижий манбаларга таяниб Zamon.uz хабар берди.
Дейли болани Вайомингдан Нью-Мексикога суд қарорини бузган ҳолда олиб ўтган. 23 декабрь куни полиция уни Силвер-Сити яқинидаги автотураргоҳда аниқлаган. Ҳуқуқ-тартибот ходимлари автодомни қуршаб турган пайтда ичкаридан бир марта ўқ овози эшитилган.
Полиция кирганида, бола 9 миллиметрли тўппонча билан юзига отилган ўқдан ҳалок бўлгани аниқланган. Дейли эса шу қурол билан ўз жонига қасд қилишга уринган, аммо полиция ходимлари уни тўхтатган.
Тергов давомида аёл фарзандини "хавфсиз сақламоқчи" бўлганини айтган. Шунингдек, боланинг отаси ва унинг қариндошлари Базилни бошқа кўра олмаслиги учун уни ўлдириш "арзийди", деб ҳисоблаганини маълум қилган.
Дейли полиция автодомга яқинлашганини кўрганда, "Жейк Базилни олиб қўйолмайди", деган.
Аёл биринчи даражали қотилликда айбини тан олган.
