Туркиянинг Истанбул шаҳридаги лазер эпиляцияси ва косметология марказида яширин камералар орқали олингани тахмин қилинаётган 14 мингга яқин фото ва видеолар аниқланди. Бу ҳақда RasDaily.kz хабар берди.
Маълум қилинишича, камералар марказдаги ускуналар ва интерьер жиҳозларига яширилган. Мижозлар уларни тасвирга олиш жараёнидан бехабар бўлган.
Қайд этилишича, олинган фото ва видеолар кейинчалик ёпиқ Telegram каналлари ҳамда махсус форумлар орқали сотилган.
Ҳодиса юзасидан марказ эгаси, бошқарувчиси ва ахборот технологиялари бўйича мутахассис қўлга олинган. Мутахассис яширин камераларни ўрнатиш ва олинган материалларни ташқи серверларга юборишда гумон қилинмоқда.
Айни пайтда ҳолат юзасидан тергов ҳаракатлари давом этмоқда.
