Бугун, 17 сентябрь куни Қирғизистонда зилзила қайд этилди. Ер қимирлаши Ўзбекистоннинг айрим ҳудудларида ҳам сезилган. Бу ҳақда Сейсмопрогностик мониторинг Республика маркази хабар берди.
Қайд этилишича, зилзила соат 01:49 да содир бўлган. Унинг магнитудаси 3,7 баллни, чуқурлиги эса 10 километрни ташкил этган.
Зилзила эпицентри Қирғизистоннинг Жалолобод вилоятида, Тошкент шаҳрида 198 километр шимоли-шарқда жойлашган. Унинг координаталари 41,58 даража шимолий кенглик ва 71,55 даража шарқий узунликни ташкил қилади.
Зилзила Ўзбекистон ҳудудида қуйидаги кучда сезилган:
– Янгиқўрғон туманида — 2 балл, 37 километр;
– Косонсой туманида — 2 балл, 39 километр.
