Улардан 31 нафари шифохонага ётқизилган.
Маълум қилинишича, 17–18 сентябрь кунлари туман тиббиёт бирлашмасига мурожаат қилган фуқароларнинг барчасида овқатдан заҳарланиш ҳолати гумон қилинган.
Дастлабки эпидемиологик суриштирув давомида фуқаролар Учкўприк туманидаги Наврўзшоҳ кўчасида жойлашган фастфуд маҳсулотлари тайёрланадиган шохобчалардан бирида хот-дог ва нон-бургер каби маҳсулотларни истеъмол қилгани аниқланган.
18 сентябрь соат 17:00 ҳолатига кўра, жами 37 киши тиббий ёрдам сўраб мурожаат қилган. Улардан 31 нафари шифохонага ётқизилган. Ҳозирда беморларга тиббий ёрдам кўрсатилмоқда.
Ҳолат юзасидан эпидемиологик суриштирув ишлари давом эттирилмоқда. Гумон қилинган озиқ-овқат маҳсулотлари ҳамда беморлардан лаборатория текширувлари учун тегишли намуналар олинган.
Шунингдек, озиқ-овқат тайёрланган тадбиркорлик субъектининг фаолияти қонунчиликда белгиланган тартибда вақтинча тўхтатилган.
Ҳолат бўйича қўшимча маълумот берилиши айтилди.
