Фарғона вилоятининг Фурқат туманида “Фарғона сув таъминоти” корхонаси ходими пора билан ушланди. У жамиятга нисбатан 8,4 млн сўмлик ичимлик сувидан ноқонуний фойдаланиш ҳолати бўйича расмийлаштирилган далолатномани бекор қилиш эвазига 2 млн сўм талаб қилган.
Маълум қилинишича, корхона ходими МЧЖга нисбатан ичимлик сувидан ноқонуний фойдаланилгани ҳақида 8,4 млн сўмлик далолатнома расмийлаштирган. Шундан сўнг у ушбу ҳужжатни бекор қилиш учун 2 млн сўм беришни сўраган.
Ходим келишилган пулни олган вақтда ушланган. Маблағлар процессуал тартибда қайтарилган.
