АҚШ Қуролли кучлари сўнгги 12 ҳафта давомида Эронга нисбатан жорий этилган денгиз блокадасини бузишга уринган ёки Эрон Ислом инқилоби қўриқчилари корпуси билан боғлиқ бўлган 13 та тижорат кемасини йўқ қилган. Бу ҳақда АҚШ Марказий қўмондонлиги (CENTCOM) 5 октябрь куни маълум қилди.
Қайд этилишича, 5 октябрь куни АҚШ кучлари Яқин Шарқда 130 та тижорат кемасининг йўналишини ўзгартирган. Бу чора Эронга нисбатан давом этаётган денгиз блокадасини таъминлаш доирасида амалга оширилган.
АҚШ Марказий қўмондонлиги маълумотларига кўра, АҚШ кучлари Олий Бош қўмондон кўрсатмаси асосида 14 июль куни Эрон портларига кириш ёки улардан чиқишга уринган кемаларга нисбатан блокадани қайта тиклаган.
Шунингдек, 130 та кеманинг йўналиши ўзгартирилгани билан бир қаторда, блокада талабларига бўйсунмаган учта кема ишдан чиқарилган.
“Биз блокадани бузишга уринган ҳар қандай кемага қарши тезкор чора кўрамиз. Кучларимиз юқори даражада тайёрланган, профессионал ва ҳалокатли кучга эга”, деган CENTCOM қўмондони, адмирал Бред Купер.
Баёнотда, шунингдек, денгизчиларга Уммон кўрфази ва Ҳурмуз бўғозига яқинлашиш чоғида “Денгизчиларга огоҳлантириш” кўрсатмаларига амал қилиш ҳамда АҚШ денгиз кучлари билан алоқада бўлиш тавсия этилган.
