Тасвирга олиш гуруҳининг қолган аъзолари эса мамлакатнинг бошқа шаҳарларида ишларни давом эттирмоқда.
Ўзбекистон Маданият ва санъатни ривожлантириш жамғармаси америкалик блогер Жимми Дональдсон (MrBeast)нинг мамлакатга ташрифи юзасидан расмий баёнот берди.
Жамғарма маълум қилишича, ташриф дастури дастлабдан Тошкент ва Самарқанд шаҳарларини қамраб олган. Сафар MrBeast жамоаси билан олдиндан келишилган ва тасдиқланган жадвал асосида ташкил этилган.
Қайд этилишича, ташриф дастуридаги ҳеч бир банд бекор қилинмаган. Блогернинг Ўзбекистондан жўнаб кетиш санаси ҳам аввалдан белгиланган.
Шунингдек, тасвирга олиш гуруҳининг қолган аъзолари режага мувофиқ мамлакатнинг бошқа шаҳарларида суратга олиш ишларини давом эттирмоқда.
Жамғарма Тошкент ва Самарқанд аҳолиси ҳамда меҳмонларига MrBeast ва унинг жамоасини илиқ кутиб олгани учун миннатдорлик билдирган.
Ташрифга оид қўшимча маълумотлар Жамғарманинг расмий ахборот каналларида эълон қилиб борилмоқда.
