Ягона интерактив давлат хизматлари портали — my.gov.uz орқали боланинг туғилганлиги ҳақида маълумотнома олиш хизмати ишга туширилди.
Эслатиб ўтамиз, 2023 йилдан бошлаб туғилишни рўйхатдан ўтказиш комплекс давлат хизмати тартибида амалга оширилмоқда. Туғруқхона маълумотларни мустақил равишда ФҲДЁ органларига юборади ва ҳужжат автоматик шакллантирилади.
Шу вақтгача QR-кодли маълумотномани фақат туғруқхонадан олиш мумкин эди. Энди эса уни my.gov.uz орқали бепул юклаб олиш мумкин.
Бунинг учун:
-
бола туғилиши ФҲДЁда рўйхатдан ўтгач, онанинг my.gov.uz’даги шахсий кабинетига электрон хабарнома келади;
-
фойдаланувчи OneID ёки ЭРИ орқали порталга киради;
-
“Маълумотномалар” бўлимидаги “Туғилганлик ҳақида далолатнома ёзуви рўйхатдан ўтказилганлиги тўғрисида маълумотнома” хизматини танлаб, ҳужжатни юклаб олади.
Мазкур маълумотнома гербли туғилганлик гувоҳномасига тенглаштирилган. Хизмат 2023 йил ва ундан кейин туғилган болалар учун амал қилади
