Тошкент халқаро аэропортида Давлат хавфсизлик хизмати ва “Тошкент-Аэро” ихтисослаштирилган божхона комплекси ходимлари ҳамкорлигида ўтказилган тезкор тадбир натижасида катта миқдордаги олтин қуймаларнинг мамлакатдан ноқонуний олиб чиқилишига чек қўйилди.
Хусусан, “Тошкент – Дубай” йўналиши бўйича парвоз қилишни режалаштирган, 1980 йилда Андижон вилоятида туғилган, ҳозирда Тошкент шаҳрида яшовчи шахснинг юклари текширувдан ўтказилди.
Натижада унга тегишли чемоданнинг ички таянч қисмига жами 1 кг 923 грамм олтин қуймалар яширилгани аниқланди ва ашёвий далил сифатида расмийлаштириб олинди.
Шунингдек, ушбу ноқонуний ҳаракатга 1992 йилда Тошкент вилоятида туғилган, муқаддам Жиноят кодексининг 182-моддаси билан судланган фуқаронинг алоқадорлиги аниқланган.
