“The Independent” нашрининг ёзишича, ҳодиса 19 май куни содир бўлган. Радио эфирида Чарльз III’нинг вафоти ҳақида хабар берилгач, шундан сўнг “Худо қиролни асрасин” мадҳияси қўйилган. Орадан кўп ўтмай эфир тўсатдан тўхтаб қолган ва бошловчилар одатий дастур вақтинча узилганини маълум қилган. Радио тахминан 15 дақиқа жим қолган.
Радиостанция менежери Peter Mooreнинг айтишича, ҳолат компьютердаги техник носозлик сабабли юз берган.
Унинг сўзларига кўра, студияда Британия радиостанциялари фавқулодда ҳолатлар учун сақлаб турадиган “монарх вафоти” протоколи тасодифан ишга тушиб кетган. Хато тезда аниқланиб, эфир дарҳол тўхтатилган.
Менежер қирол ва тингловчилардан юзага келган ноқулайлик учун узр сўраган.
Эслатиб ўтамиз, 2024 йил февралида ОАВ Cancer ташхиси қўйилгани ҳақида хабар берган эди. Бироқ Бакингем саройи касаллик тури ва унинг босқичи ҳақида аниқ маълумот очиқламаган.
