“Тоттенхэм” ҳимоячиси Кайл Уокер фаолиятини “Манчестер Сити”да давом эттирадиган бўлди. Бугун шаҳарликлар 27 ёшли футболчини трансферини расман эълон қилди.
Уолкер “Манчестер Сити” билан 5 йиллик шартнома имзолади. Ҳимоячи 2-рақам остида майдонга тушади. “Шаҳарликлар” мазкур трансфер учун 55 миллион фунт сарфлади. Бу клуб томонидан ҳимоячи учун тўланган энг катта сумма саналади.
Аввалги рекорд "Эвернон"дан сотиб олинган Жон Стоунзга тегишли эди. Ўтган мавсум бошида "Манчестер Сити" уни 50 миллион фунтда харид қилганди.
Маълумот учун, ўтган мавсумда Кайл Уолкер Англия чемпионатининг 33та ўйинда майдонга тушиб, 5та голга муаллифлик қилган.
