Кеча бир муддат Ўзбекистонда Telegram фойдаланувчилари мессенджер алоқасидан узилиб қолдилар.
Мессенджернинг техник хизматидан маълум қилишларича, мазкур муаммо Ўзбекистондан ташқари Россия, Швеция, Украина, Австрия, Германия, Ироқ, Озарбайжон, Финляндияда ҳам кузатилган.
Telegram’нинг Twitter’даги расмий аккаунтида кеча юз берган техник муаммо тез фурсатларда бартараф этилгани маълум қилинган.
Telegram — турли форматдаги медиафайл ва матнли хабарлар алмашадиган бепул мессенджер бўлиб, айни дамда унинг фойдаланувчилари 100 миллионни ташкил қилади.
Дарвоқе, кеча Telegram мессенджери алоқаси узилган қисқа фурсат ичида бошқа ижтимоий тармоқлар бу хабардан “портлади”.
