-Тоғам билан янгам анча йиллардан буён бирга яшашмайди. Бир пайтлар янгам “Биз қонуний ажрашдик”, деганди. Бироқ маълум бўлишича, ҳалигача уларнинг никоҳлари қонуний бекор қилинмаган экан. Ҳозир тоғам бувим ва кичик укасининг оиласи билан ота ҳовлисида яшамоқда. Ишга жойлашиши учун уни шу уйга доимий рўйхатга қўйишмоқчи. Агар шундай қилинса, “прописка”си борлигидан фойдаланиб, янгам ва унинг фарзандлари кейинчалик бувимнинг уйига даъво қилишлари мумкинми?
Фарида Хўжамназарова, Тошкент шаҳри
-Амалдаги уй-жой қонунчилигига асосан, турар жойда 6 ойдан зиёд сабабсиз истиқомат қилмаган фуқаро, ушбу уй-жойдан фойдаланиш ҳуқуқидан маҳрум бўлиши белгиланган. Турар жой рўйхатига ўтиш учун эса, албатта, мулкдорнинг розилиги талаб этилади. Шу сабаб тоғангизнинг турмуш ўртоғи узоқ йиллардан буён у билан бирга яшамаётган ва улар ўртасида низо мавжуд бўлса, мулкдор розилигисиз уй рўйхатига қўйилмайди.Манба: «Sug'diyona» газетаси
