Қурбон ҳайити муносабати билан республика ҳудудларига йўловчилар оқимини таъминлаш мақсадида қўшимча автобус қатновлари йўлга қўйилди. Бу ҳақда транспорт соҳаси мутасаддилари маълум қилди.
Қайд этилишича, жорий йилнинг 22 майидан бошлаб Тошкент автовокзалидан вилоятларга қўшимча рейслар ташкил этилмоқда.
Байрам кунларида рейслар сони оширилди
Маълумотларга кўра, айни пайтда амал қилаётган 85 та мунтазам қатновга қўшимча тарзда яна 23 та автобус рейси йўлга қўйилган.
Қўшимча автобуслар қуйидаги йўналишларда ҳаракатланади:
Зармитан;
Нурота;
Зарафшон;
Учқудуқ;
Хатирчи;
Қарши;
Шаҳрисабз;
Узун;
Хива;
Нукус.
Қўшимча рейслар талабга қараб давом эттирилади
Мутасаддиларнинг билдиришича, байрам кунларида йўловчилар сони ортиши инобатга олиниб, талаб юқори бўлган йўналишларда қўшимча қатновлар доимий равишда ташкил қилиб борилади.
Йўловчилар автобус чипталарини автовокзал чиптахоналари орқали ёки онлайн тарзда ATTO ҳамда avtoticket.uz платформалари орқали харид қилиши мумкин.
