Сергелида кўчада қолдириб кетилган янги туғилган чақалоқни топиб олишди. Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар берди.
Тошкент шаҳрининг Сергели туманида 27 январь куни соат 14:00 ларда Лутфикор 4-тор кўчасида яшовчи фуқаро, уйи олдига яқинлашганида спорт сумкасига солинган, янги туғилган жинси ўғил болага мансуб бўлган чақалоқ топиб олиб ИИБга хабар берган.
Чақалоқ касалхонага ётқизилган. Унинг онасини аниқлаш чоралари кўрилган.
