Саудия Арабистони маданият ва ахборот вазирлиги пайшанба кундан бошлаб, 30 йилдан бери ёпиқ турган, мартда очилиши режалаштирилган катта экранли кинотеатрлар бошқармаларига лицензия беришни бошлади, деб хабар берди Ria.ru нашри.
Саудия Арабистонида кинотеатрлар 1980 йилларнинг бошларида ёпилиб, кино намойиш қилиш тақиқланган эди. Қироллик аёнлари кино кўриш учун қўшни Баҳрайнга қатнар эдилар.
2030 йилга келиб, қиролликда 300 дан ортиқ кинотеатарлар тармоғи ишга тушиб, 2 мингдан ортиқ экранларда кенг жамоатчилик учун кинолар қўйилади. Кинолар экранга чиқишдан илгари мамлакатнинг ахлоқий қадриятларини бузмаслик учун текширувдан ўтказилади.