Филиппинда бошида “якка шохи”— бош чаноқ нуқсони бўлган бола дунёга келди, деб хабар берди Ria.ru нашри.
Чақалоқнинг бошидаги ўсимта якка шохни эслатади. Боланинг онаси ҳомиладорлик вақтида ҳеч нарсани ҳис қилмаган, шифокорлар ҳам боладаги нуқсонни аниқлашмаган.
Нашрнинг хабар беришича, боланинг бошидаги ўсимтанинг хавфсизлиги аниқланди. Шифокорлар операциядан кейин боланинг тузалиб кетишига умид қилишмоқда.
Мазкур касаллик энцефалоцеле деб аталиб, беш мингта чақалоқдан биттасига тўғри келади.
