Франциянинг Париж шахрида қуролланган шахс кўчадаги йўловчиларга пичоқ билан хужум қилди, дея хабар берди Сегодня нашри.
Воқеа натижасида бир киши қурбон бўлди. Шунингдек, яна 4 киши яраланиб, шифохонага олиб кетилди. Уларнинг 2 нафарининг ахволи оғир.
Мазкур воқеа полиция томонидан террористик ҳаракат дея баҳоланмоқда.
Жиноятчи 1997 йилда туғилган Хамзат Азимов исимли шахс бўлиб, унинг ёнида ҳужжатлари бўлмаган, аммо терговчилар унинг бармоқ изларига кўра хулоса беришди. Хамзат Азимов 2010 йили Франция фуқаролигини олган. Жиноятчи йўл четидаги ресторанлар ва барларга ҳам кирмоқчи бўлган, аммо ичкарига яширинган одамлар уни киргизишмаган. Воқеа жойига етиб келган полиция аввалига уни электрошокер ёрдамида қўлга олмоқчи бўлган, аммо бунинг иложи бўлмагач, жиноятчи отиб ўлдирилди. Шунингдек, полиция томонидан яна бир неча киши қўлга олинган бўлиб, улар Хамзат Азимовнинг шериклари эканликда гумон қилинмоқда. Теракт учун жавобгарликни ИШИД террорчилик ташкилоти ўз зиммасига олган. Франция Президенти Эммануэль Макрон ҳам ушбу ҳужумни теракт деб атаган. Ҳодиса Париж полициясининг аксилтеррор бўлинмаси томонидан текширилмоқда.
