Австралиянинг Qantas авиакомпанияси электрокроссовер Tesla Model X P100D йўловчи лайнери Boeing 787-9 Dreamlinerни шатакка олгани видеосини тақдим этди. Видео Мельбурн аэропортида суратга олинган, дея хабар бермоқда Segodnya.ua нашри.
Tesla Model X P100D электрокари 773 от кучига эга икки электромотор билан жиҳозланган. Машинанинг массаси 2468 килограмм.
Boeing 787-9 Dreamlinerнинг максималь массаси – 193 тонна, бўм-бўш лайнер 126 тонна чиқади. Самолёт бортига 290 йўловчи сиғади. Самолёт 126 минг литр ёқилғи “ейди”. Лайнернинг максималь тезлиги – соатига 956 километр.
