Барчага Пеле номи билан машҳур бўлган Эдсон Арантис ду Насименту учинчи маротаба уйланмоқда.
Уч карра жаҳон чемпиони айни дамда 73 ёшда, янги турмуш ўртоғи эса ундан 25 ёш кичик. Асли япониялик бўлган бизнесвуман Марсия Сибеле Аоки ва Пеле 2010 йилда танишишган. Гарчи тўйга катта тайёргарлик кетаётган бўлсада, тўйнинг аниқ санаси омма эътиборига ҳавола этилмаяпти. Пеле 1966 ҳамда 1994 йилларда ҳам оила қурган. Ҳар икки турмушидан собиқ футболчининг 5 нафар фарзанди бор.
Эслатиб ўтамиз, Пеле 1958, 1962, 1970 йилларда жаҳон чемпионатида ғалаба қозонган. Бразилия терма жамоаси таркибида 92 учрашувда қатнашиб 77 та тўп киритган.
