Бразилиянинг ҳамда дунёнинг энг бой одамларидан ҳисобланган Эйке Батиста бир қатор айбловлар билан ҳибсга олинди, дея хабар берди РИА Новости нашри.
Тадбиркор Эйке Батистага коррупция ва пулларни ўзлаштириш айбловлар қўйилган. Олиб борилган тергов ва суриштирувлар натижасида айблов ўз тасдиғини топгач, Рио-де-Жанейро суди уни 30 йиллик қамоқ жазосига ҳукм қилди. Маълумотларга кўра, у олтин конини сотиб олиш учун Рио-де-Жанейро штати губернаторига 16,5 млн. доллар пора берган.
Рио-де-Жанейро штати губернаторга Серхио Кабрал ҳам 16,5 млн. доллар миқдорида пора олиш эвазига битим тузгани учн айбдор, деб топилди ҳамда унга нисбатан 120 йил қамоқ жазоси белгиланди. 61 ёшли Эйке Батиста, 2012 йилда 30 млрд. долларлик бойликкка эга бўлгани учун Бразилиянинг энг бой одами ҳисобланган ҳамда дунёнинг энг бой 10 нафар одами рўйхатига кирган.
