Ўзбекистон терма жамоаси қанот ярим ҳимоячиси Санжар Турсунов ҳам сўнгги пайтлар ижтимоий тармоқда катта шов-шувга айланган хайрия характерига эга оммавий акцияда иштирок этди.
Украинанинг “Ворскла” клуби футболчиси устидан муздек сув қуйилган видео тасвирни Instagram’даги саҳифасига жойлади.
Шунингдек, Санжар Турсунов эстафетани Тошкентнинг “Локомотив” клуби футболчилари Садриддин Абдуллаев ва Фарҳод Тожиевга берди. Навбат энди Тошкент клуби футболчиларига етиб келди.
Эслатиб ўтамиз, бир неча кун аввал Москванинг “Локомотив” клуби ҳимоячиси Виталий Денисов ушбу акцияда иштирок этганди.
