Backstreet Boys гуруҳининг концерти шамол туфайли бошқа кунга қолдирилди

АҚШнинг Оклахома штати Такервилл шаҳридаги WinStar World Casino and Resort казиносининг концерт майдонидаги қурилмаларни кучли шамол қулатди, дея хабар бермоқда Ria.ru нашри.

Натижада эса 14 киши жабрланди.

Бу ерда машҳур Backstreet Boys гуруҳининг концерти бўлиб ўтиши керак эди.

Концертга келган мухлислар эвакуация қилина бошлади. Меҳмонлардан ўзлари учун пана жой қидириш сўралган.